Սիրիական Իդլիբի ռազմական օդանավակայանն ավիահարվածների է ենթարկվել

1 րոպեի ընթերցում

Անհայտ ինքնաթիռներն օգոստոսի 18-ի առավոտյան չորս ավիահարված են հասցրել Սիրիայի Իդլիբի նահանգի հարավ-արևելքում գտնվող Աբու ազ-Զուհուրի ռազմական օդանավակայանին։ «Արմենպրես»-ի փոխանցմամբ՝ այս մասին հայտնում է Syria TV հեռուստաալիքը։

Տեղեկությունների համաձայն՝ չորս հարվածները թիրախավորել են օդանավակայանի թռիչքուղին, սակայն վնասի չափի վերաբերյալ դեռևս տեղեկություններ չեն հաղորդվել։

Առայժմ հայտնի չէ, թե ով է պատասխանատու օդային հարվածների համար։ Տեղական աղբյուրները ենթադրում են, որ ռմբակոծության հետևում կանգնած է Իսրայելը, սակայն ինքնաթիռի կամ պատասխանատու կողմի վերաբերյալ պաշտոնական հաստատում դեռևս չկա։

Օդանավակայանը գտնվում է Սարակիբ քաղաքից մոտավորապես 27 կիլոմետր արևելք՝ Աբու ազ-Զուհուր քաղաքի հարևանությամբ։ Այն ունի ռազմավարական դիրք Իդլիբի, Համայի և Հալեպի նահանգների միջև և մոտ է Սիրիական անապատին։

Օդանավակայանը համարվում է Սիրիայի հյուսիսում ամենահայտնի ռազմական հենակետերից մեկը և պատկանել է նախորդ իշխանություններին՝ ծառայելով որպես տարածաշրջանում ռազմական գործողությունների կենտրոնական կետ։

Ըստ որոշ աղբյուրների՝ օդանավակայանը զբաղեցնում է մոտ 16 քառակուսի կիլոմետր տարածք, իսկ այլ աղբյուրների տվյալներով՝ մոտ 23 քառակուսի կիլոմետր։

Հայերեն Русский

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը