1 րոպեի ընթերցում
Հունական «Օլիմպիակոս» ֆուտբոլային ակումբը պաշտոնապես ներկայացրեց Հայաստանի ֆուտբոլի ազգային թիմի պաշտպան Նաիր Տիկնիզյանին:
«Արմենպրես»-ի հաղորդմամբ` հայ պաշտպանի հետ պայմանագիրը նախատեսված է 4 տարով, այն կարող է ավելացվել ևս մեկ տարով: Տիկնիզյանի տարեկան աշխատավարձը կկազմի մոտ 1 միլիոն եվրո:
Նաիր Տիկնիզյանը 2025 թվականին տեղափոխվել էր սերբական «Ցրվենա Զվեզդա», իսկ մինչ այդ հանդես էր գալիս Մոսկվայի «Լոկոմոտիվ»-ում։ Տիկնիզյանը Հայաստանի ֆուտբոլի ազգային թիմին միացել է 2023 թվականից։ 27-ամյա ֆուտբոլիստը Հայաստանի ընտրանու կազմում մասնակցել է 31 խաղի և դարձել 1 գոլի հեղինակ։