Բեսենթը հնարավոր է համարել մոտակա օրերին ԱՄՆ-ի և Իրանի կողմից Հորմուզի նեղուցի թեմայով համաձայնության հասնելը

ԱՄՆ-ն և Իրանը կարող են Հորմուզի նեղուցում նավագնացության վերականգնման շուրջ համաձայնության հասնել արդեն օգոստոսի 4-ին կամ 5-ին: Ինչպես հաղորդում է «Արմենպրես»-ը, այդ մասին հայտարարել է Միացյալ Նահանգների ֆինանսների նախարար Սքոթ Բեսենթը։

«Կա հավանականություն, որ արդեն այսօր կամ վաղը մենք համաձայնության կհասնենք նեղուցը բացելու և այս հակամարտության մեջ ավելի նորմալ իրավիճակի անցնելու շուրջ», - օգոստոսի 4-ին ասել է Բեսենթը CNBC-ին տված հարցազրույցում։

Պատասխանելով հարցին, թե արդյոք Իրանը վճար կգանձի անցնելու համար Հորմուզով՝ Բեսենթը նշել է, որ համաձայնագիրը կապահովի ազատ տեղաշարժը նեղուցում։ «Դա կլինի տեղաշարժի ազատություն», - ասել է նա։

Նրա խոսքով, «թեև վերջին մի քանի օրերին իրավիճակը դեռ փոքր-ինչ անկայուն է, մենք այժմ արդեն տեսնում ենք, որ նեղուցից բավականին շատ նավեր են դուրս գալիս»։