1 րոպեի ընթերցում
Երևանի Դավթաշեն 4-րդ թաղամասի շենքերից մեկի նկուղից փրկարարները հեռացրել են մոտ 25 տոննա ջուր։ Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, օգոստոսի 1-ին՝ ժամը 05։37-ին, ՆԳՆ 112 օպերատիվ կառավարման կենտրոն ահազանգ է ստացվել, որ շենքի նկուղ ջուր է լցվում։
Դեպքի վայր է մեկնել ՓԾ Երևանի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բակում վնասվել է ջրատար խողովակը, ինչի հետևանքով ջուրը բարձր ճնշմամբ լցվել է նկուղ։
Փրկարարները նկուղից հեռացրել են մոտ 25 տոննա ջուր։