1 րոպեի ընթերցում
Սաուդյան Արաբիայի պաշտպանության նախարար արքայազն Խալիդ բին Սալմանը, ԱՄՆ-ի փոխնախագահ Ջեյ Դի Վենսի հետ հանդիպման ժամանակ կոչ է արել Վաշինգտոնին ձեռնպահ մնալ հութիներին հարվածելուց: «Արմենպրես»-ի փոխանցմամբ՝ այդ մասին հաղորդում է Reuters գործակալությունը՝ հղում անելով աղբյուրների։
Axios-ի լրագրող Բարաք Ռավիդն ավելի վաղ հայտնել էր, որ արքայազն Խալիդը Վենսի հետ քննարկել է Մերձավոր Արևելքում լարվածության սրումը՝ վերջերս Իրաքում իրանամետ զինված խմբավորումների դեմ ԱՄՆ-ի և Սաուդյան Արաբիայի համատեղ հարվածներից հետո։
«Համատեղ գրոհներից հետո Սաուդյան Արաբիայի պաշտպանության նախարարը չորեքշաբթի Վաշինգտոնում հանդիպել է փոխնախագահ Ջեյ Դի Վենսի հետ՝ Թրամփի վարչակազմին կոչ անելու էլ ավելի չսրել հակամարտությունը՝ գրոհելով Եմենի հութիների վրա», - գրում է գործակալությունը՝ հղում անելով անունը չհայտնած երկու աղբյուրի։
Ավելի վաղ հուսիթները հայտարարել էին, որ ծովային շրջափակում են սահմանում Սաուդյան Արաբիայի նկատմամբ՝ ի պատասխան Եմենի օդային տարածքի ու նրա նավահանգիստների նկատմամբ նրա վերահսկողության։ Հուլիսի 29-ին նրանք հայտարարել են Կարմիր ծովում երկու սաուդյան լցանավի վրա գրոհի մասին։