Դատախազությունը պահանջում է Գագիկ Խաչատրյանից բռնագանձել շուրջ 200 անշարժ գույք, տասնյակից ավելի շարժական գույքեր

Հայաստանի պետական եկամուտների կոմիտեի նախկին նախագահ Գագիկ Խաչատրյանից և նրան փոխկապակցված անձանցից Գլխավոր դատախազությունը պահանջում է բռնագանձել շուրջ 200 անշարժ գույք, տասնյակից ավելի շարժական գույքեր։ 

«Մասնավորապես՝ 

• 193 անշարժ գույք, որն ի թիվս այլնի ներառում է 46 բնակարան Կենտրոն վարչական շրջանում,
• 89 անշարժ գույք Կոտայքի մարզում:
• 29 իրավաբանական անձում մասնակցություն, որոնց թվում են «ՄԵԳԱՍՊՈՐՏ» ՍՊԸ-ն, «ՄԵԳԱ ՖՈՒԴ» ՍՊԸ-ն:
• 14 շարժական գույք:
• 1.451.074 ԱՄՆ դոլարի չափով ձեռքբերված պարտատոմսեր:
• 147.210 ԱՄՆ դոլար ավանդ:
• 23.081.354 ԱՄՆ դոլարի, 409.806.800 ՀՀ դրամի և 9.750 եվրոյի չափով փոխառության պահանջի իրավունք:
• 17.761.537.781 դրամ»,– «Արմենպրես»-ի փոխանցմամբ՝ հայտնում են Դատախազությունից։