366.68
Իսրայելը շահագրգռված չէ ներքաշվել ԱՄՆ-ի և Իրանի միջև հակամարտության մեջ. Սմոտրիչ
1 րոպեի ընթերցում
Իսրայելի ֆինանսների նախարար Բեզալել Սմոտրիչը կենտրոնական Իսրայելի Յադ Բինյամին շրջանում կայացած համաժողովում հայտարարել է, որ երկիրը «հետաքրքրված չէ միանալ» Իրանի դեմ պատերազմին։ «Արմենպրես»-ի փոխանցմամբ՝ այս մասին հաղորդում է իսրայելական Ynet լրատվական կայքը։
«Այս պահին Իսրայելի Պետությունը որևէ հետաքրքրություն չունի միանալու արշավին, - ասել է նա: - Ներկայիս իրավիճակը մեզ համար լավ է, և մենք որևէ հետաքրքրություն չունենք մեզ դրանում ներքաշելու: Մենք պատրաստ ենք ցանկացած սցենարի»։
Իր ելույթում նախարարը նաև նշել է, որ Իսրայելի գլխավոր նպատակը իրանական ռեժիմը թուլացնելն է, և որ դրա լավագույն միջոցը տնտեսական միջոցներն են։
Վերջին օրերին ԱՄՆ-ի և Իրանի միջև հակամարտությունը կրկին սրվել է՝ ԱՄՆ-ի ավիահարվածներով և Իրանի կողմից տարածաշրջանում ամերիկյան օբյեկտների դեմ պատասխան հարձակումներով:
Բաժանորդագրվեք մեր ալիքին Telegram-ում