367.29
Ռուսաստանն արգելել է դիզելային վառելիքի արտահանումը
1 րոպեի ընթերցում
Ռուսաստանի իշխանությունները արգելք են սահմանել դիզելային վառելիքի արտահանման վրա՝ ներքին շուկա մատակարարումները մեծացնելու համար։
Ինչպես հաղորդում է «Արմենպրես»-ը,վկայակոչելով ՏԱՍՍ գործակալությունը, այս մասին հայտարարել է Ռուսաստանի փոխվարչապետ Ալեքսանդր Նովակը։
«Այսօր արգելք է մտցվել դիզելային վառելիքի արտահանման վրա, և դա մեզ թույլ կտա ավելացնել ներքին շուկայի մատակարարումները», - ասել նա։
Նախկինում Ռուսաստանը արգելք էր դրել դիզելային վառելիքի արտահանման վրա ոչ արտադրողների համար, սակայն այժմ Ռուսաստանը լիակատար արգելք է դրել դիզելային վառելիքի արտահանման վրա շուկայի բոլոր մասնակիցների համար։
Վերջին շրջանում Ուկրաինան պարբերաբար հարվածներ է հասցնում Ռուսաստանի նավթավերամշակման գործարաններին երկրի տարբեր հատվածներում, ինչի հետևանքով երկրում բենզինի, դիզվառելիքի ներքին մատակարարումների խնդիրներ են առաջացել։ Հունիսի 29-ին էլ հայտնի էր դարձել, որ Ռուսաստանն ամբողջությամբ արգելում է երկրից բենզինի և կերոսինի արտահանումը։
Բաժանորդագրվեք մեր ալիքին Telegram-ում