1 րոպեի ընթերցում
Իրանի դեմ գործողության վրա ԱՄՆ-ի ծախսերը մնացել են 113,3 միլիարդ դոլարի նշագծի վրա և այլևս չեն ավելանում: «Արմենպրես»-ի փոխանցմամբ՝ այս մասին վկայում են Iran War Cost Tracker հարթակի տվյալները։
Հարթակի վերջնական հաշվարկի համաձայն՝ Մերձավոր Արևելքում 108 օր տևած հակամարտությունն ամերիկացի հարկատուների համար արժեցել է մոտավորապես 113,3 միլիարդ դոլար։
Վաշինգտոնը պաշտոնական տվյալներ դեռ չի հրապարակել։ ԱՄՆ նախագահի խոսքով՝ Իրանի վրա վերջին գրոհների ժամանակ միայն զինամթերքի վրա Միացյալ Նահանգները ծախսել է 250 միլիոն դոլար։
Հարթակը հաշվել է այն միջոցները, որոնք անհրաժեշտ են անձնակազմը, տարածաշրջանում տեղակայված նավերը պահելու, ինչպես նաև այլ հարակից ծախսերի համար։ Հաշվարկի մեթոդաբանությունը հիմնված է եղել Պենտագոնի՝ Կոնգրեսին ներկայացրած զեկույցի վրա, որում ասվում է, որ առաջին վեց օրն արժեցել է 11,3 միլիարդ դոլար, իսկ հետագայում ծախսերը կազմել են օրական 1 միլիարդ դոլար։
ԱՄՆ նախագահ Դոնալդ Թրամփը և Իրանի նախագահ Մասուդ Փեզեշքիանը ստորագրել են պատերազմի ավարտին ուղղված նախնական փաստաթուղթը, որն անմիջապես ուժի մեջ է մտել։