2 րոպեի ընթերցում
Խաղաղության հաստատման վերաբերյալ փոխըմբռնման հուշագրի ստորագրումից հետո Իրանը և Միացյալ Նահանգները 60 օր բանակցություններ կվարեն մնացած վիճելի հարցերի շուրջ: Ինչպես հաղորդում է «Արմենպրես»-ը, այս մասին լույս հունիսի 15-ի գիշերը հայտարարել է Իրանի արտաքին գործերի փոխնախարար Քազեմ Ղարիբաբադին։
«Ուրբաթ օրը տեղի կունենա պաշտոնական ստորագրումը, և երկու պատվիրակությունների ղեկավարները բանակցություններ կանցկացնեն հետագա բանակցային քայլերը հստակեցնելու շուրջ։ Մինչ այդ կստուգվի ամերիկյան կողմի հանձնառությունը պատերազմը դադարեցնելու, շրջափակումը վերացնելու և ակտիվները ազատելու հարցում», - ասել է Քազեմ Ղարիբաբադին, որի խոսքը մեջբերում է Press TV-ն։
Իրանի փոխարտգործնախարարն ընդգծել է, որ այս բանակցությունները կսկսվեն միայն այն դեպքում, երբ Միացյալ Նահանգները կատարի համաձայնագրով ստանձնած իր պարտավորությունները։
Ավելի վաղ Պակիստանի վարչապետ Շահբազ Շարիֆը հայտնել էր, որ ԱՄՆ-ի և Իրանի ներկայացուցիչները փոխըմբռնման հուշագիրը կստորագրեն հունիսի 19-ին Շվեյցարիայում։
Իրանի և Միացյալ Նահանգների միջև հուշագիրն ամենից առաջ ուղղված է ռազմական գործողությունների դադարեցմանը։ Առավել սուր հարցերը, ինչպիսին է Իրանի միջուկային ծրագրի ճակատագիրն է, կողմերը կքննարկվեն ավելի ուշ փուլերում։