1 րոպեի ընթերցում
ԱՄՆ նախագահ Դոնալդ Թրամփը հայտարել է Իրանի հետ խաղաղության գործարքն ավարտին հասցնելու մասին։
«Արմենպրես»-ի փոխանցմամբ՝ ԱՄՆ նախագահն այդ մասին գրել է Truth Social սոցցանցի իր էջում։
«Իրանի Իսլամական Հանրապետության հետ գործարքն ավարտին է հասցվել։ Բոլորին շնորհավորում եմ։ Այս պահից ես ամբողջությամբ թույլատրում եմ Հորմուզի նեղուցի անմաքս բացումը և միաժամանակ թույլատրում եմ անհապաղ հանել Միացյալ Նահանգների ռազմածովային շրջափակումը։ Աշխարհի նավեր, միացրեք ձեր շարժիչները։ Թող նավթը հոսի»,- գրել է Թրամփը։
Թեմային հայտարարությամբ անդրադարձել է նաև Սպիտակ տունը.
«Ամերիկյան դիվանագիտության համար նշանակալի պահին նախագահ Դոնալդ Թրամփը հայտարարել է Իրանի հետ խաղաղության պատմական համաձայնագրի մասին՝ վերջ դնելով տասնամյակների թշնամանքին և կայունություն բերելով աշխարհի ամենաանկայուն տարածաշրջաններից մեկին»,- ասված է հայտարարության մեջ։