Մունդիալ-2026. Բրազիլիան ու Մարոկկոն չպարզեցին հաղթողին, Ավստրալիան պարտության մատնեց Թուրքիային

Սան Ֆրանցիսկո, ԱՄՆ

Մարզադաշտ «Բայ Արենա»

B խումբ, առաջին տուր

Կատար-Շվեյցարիա`1:1

Ֆուտբոլի աշխարհի առաջնության նախորդ հյուրընկալող երկիրը` Կատարը, «Մունդիալ-2026»-ի առաջին խաղում մրցեց Շվեյցարիայի հետ:

«Արմենպրես»-ի հաղորդմամբ` շվեյցարացիներին հաջողվեց բացել հանդիպման հաշիվը 17-րդ րոպեին: Նշանակված 11 մետրանոց հարվածն անվրեպ իրացրեց Բրիլ Էմբոլոն: Կատարին հաջողվեց խուսափել պարտությունից միայն Շվեյցարիայի հավաքականի ֆուտբոլիստ Միրո Մուհայմի ինքնագոլի շնորհիվ, այն էլ հանդիպման ավելացված րոպեներին:

Նյու Ջերսի, ԱՄՆ

Մարզադաշտ «Նյու Ջերսի»

C խումբ, առաջին տուր

Բրազիլիա-Մարոկկո` 1:1

Ֆուտբոլի աշխարհի 5-ակի չեմպիոնները` բրազիլացիները, ԱԱ-ի մեկնարկում ուժերը չափեցին նախորդ «Մունդիալ»-ի բացահայտում դարձած Մարոկկոյի հավաքականի հետ: Մարոկկոյին հաջողվեց խաղի հաշիվը բացել 21-րդ րոպեին: Գոլն իր ակտիվում գրանցեց Իսմայիլ Սաիբարին: Առաջին կեսի 32-րդ րոպեին Բրազիլիան վերականգնեց հաշվի հավասարությունը: Գոլը խփեց Վինիսիուս Ջունիորը:

Տեսանյութը` այստեղ

Բոսթոն, ԱՄՆ

Մարզադաշտ «Բոսթոն»

C խումբ, առաջին տուր

Հայիթի-Շոտլանդիա` 0:1

Ֆուտբոլի Շոտլանդիայի ազգային թիմը հաղթանակով մեկնարկեց «Մունդիալ-2026»-ում: Մեկնարկային տուրում Հայիթիին. Նվազագույն հաշվով շոտլանդացիներին: Այս հանդիպման միակ գնդակը խփեց Ջոն Մըքգին 28-րդ րոպեին:

Վանկուվեր, Կանադա

Մարզադաշտ «ԲՍ Պլայս»

D խումբ, առաջին տուր

Ավստրալիա-Թուրքիա` 2:0

Ֆուտբոլի աշխարհի առաջնության D խմբի մյուս խաղում մրցեցին Ավստրալիան ու Թուրքիան: «Կանաչ մայրցամաքի» ներկայացուցիչներին հաջողվեց երկու անպատասխան գնդակ ուղարկել թուրքերի դարպասը: Գոլերը խփեցին Նեսթորի Իրանկուդան ու Քոնոր Մեթկալֆը: