368.59
ԱՊՀ Միջխորհրդարանական վեհաժողովի դիտորդական առաքելությունը կհետևի Հայաստանում խորհրդարանական ընտրություններին
1 րոպեի ընթերցում
ԱՊՀ Միջխորհրդարանական վեհաժողովի միջազգային դիտորդների խումբը կմասնակցի Հայաստանում կայանալիք հերթական խորհրդարանական ընտրությունների դիտարկմանը։ «Արմենպրես»-ի հաղորդմամբ՝ ԱՊՀ ՄԽՎ մամուլի ծառայության հաղորդմամբ՝ առաքելությունը ձևավորվել է Ազգային ժողովի նախագահ Ալեն Սիմոնյանի հրավերի հիման վրա։
Դիտորդական խմբի համակարգող է նշանակվել Ղազախստանի Հանրապետության խորհրդարանի Սենատի փոխնախագահ Ժաքիպ Ասանովը։
Ընտրությունների դիտարկմանը կմասնակցեն Բելառուսի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի խորհրդարանների պատգամավորներն ու սենատորները, ինչպես նաև ԱՊՀ Միջխորհրդարանական վեհաժողովի պաշտոնյաներն ու ԱՊՀ ՄԽՎ ժողովրդավարության զարգացման մոնիտորինգի միջազգային ինստիտուտի փորձագետները։
Դիտորդների աշխատանքային ծրագրում նախատեսված են հանդիպումներ Հայաստանի կենտրոնական ընտրական հանձնաժողովի, Ազգային ժողովի, Վարչական դատարանի ղեկավարության, ինչպես նաև ընտրություններին մասնակցող քաղաքական ուժերի ներկայացուցիչների հետ։
Հունիսի 7-ին ԱՊՀ ՄԽՎ միջազգային դիտորդները ընտրությունների դիտարկում կիրականացնեն Երևանի և Հայաստանի մարզերի ընտրատեղամասերում։
Բաժանորդագրվեք մեր ալիքին Telegram-ում