1 րոպեի ընթերցում
Հաւաստանի վարչապետ Նիկոլ Փաշինյանը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։
«Արմենպրես»-ի փոխանցմամբ՝ այդ մասին հայտնել է Թերքիայի նախագահի հանրային կապերի վարչությունը։ Նշվել է, որ ՀՀ վարչապետ Ն․ Փաշինյանը զրույցի ընթացքում շնորհավորել է Թուրքիայի նախագահին անցած Քուրբան Բայրամի կապակցությամբ։
Քննարկվել են նաև Թուրքիա-Հայաստան երկկողմ հարաբերությունների կարգավորման գործընթացը և տարածաշրջանային հարցերը։
Ռեջեփ Թայիփ Էրդողանը նշել է, որ Թուրքիայի և Հայաստանի միջև հարաբերությունների կարգավորման գործընթացը շարունակվում է ուղիղ առևտրի մեկնարկին ուղղված քայլերով։
Էրդողանն ընդգծել է, որ Թուրքիան ջանքեր է գործադրում տարածաշրջանում խաղաղության և կայունության համար, և որ Թուրքիան միշտ կաջակցի այդ ուղղությամբ ձեռնարկվելիք քայլերին։