365.93
Հայաստանում քամին թիթեղներ է պոկել, ծառեր տապալել
1 րոպեի ընթերցում
Հայաստանի Հանրապետության Ներքին գործերի նախարարության 112 և մարզային օպերատիվ կառավարման կենտրոններ մայիսի 29-ին մի շարք ահազանգեր են ստացվել քամու հետևանքով առաջացած վնասների վերաբերյալ։
«Արմենպրես»-ին նախարարությունից տեղեկացրին, որ Երևան քաղաքի վարչական շրջաններում, Վայոց ձորի, Սյունիքի, Շիրակի, Արմավիրի, Արարատի, Արագածոտնի մարզերում ահազանգեր են ստացվել տապալված ծառերի, էլեկտրական սյուների, ինչպես նաև պոկված կառուցատարրերի և թիթեղների վերաբերյալ։
Փրկարար ծառայության համապատասխան ստորաբաժանումներն օպերատիվորեն արձագանքել են բոլոր դեպքերին։
Տեղում իրականացվել են տապալված ծառերի մասնատման, հեռացման, պոկված թիթեղների ապամոնտաժման, տարածքի սահմանազատման և այլ համապատասխան աշխատանքներ։
Բոլոր ահազանգերը սահմանված կարգով սպասարկվել են:
Բաժանորդագրվեք մեր ալիքին Telegram-ում