367.29
Պետքարտուղարությունը հաստատել է Ուկրաինային Hawk հրթիռային համակարգի սարքավորումների հնարավոր վաճառքը
1 րոպեի ընթերցում
ԱՄՆ պետքարտուղարությունը հավանություն է տվել Ուկրաինային Hawk հրթիռային համակարգի սարքավորումների հնարավոր վաճառքին։ Գործարքի արժեքը կկազմի 108,1 միլիոն դոլար։ «Արմենպրես»-ի փոխանցմամբ՝ այս մասին նշված է գերատեսչության տարածած հաղորդագրության մեջ:
«Առաջարկվող վաճառքը կնպաստի Միացյալ Նահանգների արտաքին քաղաքականության և ազգային անվտանգության նպատակների իրականացմանը՝ ամրապնդելով գործընկեր երկրի անվտանգությունը, որը Եվրոպայում քաղաքական և տնտեսական կայունության շարժիչ ուժ է», - ընդգծել է Պետքարտուղարությունը։
«Առաջարկվող վաճառքը կբարելավի Ուկրաինայի կարողությունը՝ հակազդելու ներկա և ապագա սպառնալիքներին՝ այն ավելի լավ հանդերձելով ինքնապաշտպանության և տարածաշրջանային անվտանգության ապահովման առաքելություններ իրականացնելու միջոցներով՝ ավելի հզոր ինտեգրված օդային պաշտպանության համակարգի միջոցով», - նշվում է հայտարարության մեջ։
Ըստ Պետքարտուղարության՝ այս սարքավորման առաջարկվող վաճառքը չի փոխի տարածաշրջանում ռազմական հավասարակշռությունը և որևէ բացասական ազդեցություն չի ունենա ԱՄՆ պաշտպանական պատրաստության մակարդակի վրա:
Բաժանորդագրվեք մեր ալիքին Telegram-ում