Սպիտակ տան պաշտոնյան նախազգուշացրել է Իրանի դեմ աննախադեպ ռազմական գործողության հնարավորության մասին
1 րոպեի ընթերցում
Սպիտակ տան աշխատակազմի ղեկավարի տեղակալ Սթեֆան Միլլերը խիստ նախազգուշացում է հղել Իրանի ղեկավարությանը խաղաղության բանակցություններում շարունակվող փակուղու վերաբերյալ։ Ինչպես հաղորդում է «Արմենպրես»-ը, Fox News-ի հետ զրույցում Միլլերը նշել է, որ Իրանի ղեկավարությունը առերեսվել է ԱՄՆ-ի կողմից կրիտիկական վերջնագրի։
«Իրանի այս նոր թիմը պետք է ընտրություն կատարի։ Նրանք կարող են կա՛մ համաձայնվել Միացյալ Նահանգներին գոհացնող թղթի հետ, կա՛մ զինվորականների կողմից այնպիսի պատժի ենթարկվել, ինչպիսին ժամանակակից պատմության մեջ չի եղել։ Սա այն ընտրությունն է, որի առջև նրանք կանգնած են», - ասել է նա։