Ռուսաստանը միջուկային զորավարժությունների շրջանակում միջուկային զինամթերք է տեղափոխել Բելառուս

Ռուսաստանի զինված ուժերը միջուկային զորավարժությունների շրջանակում զինամթերք են հասցրել Բելառուսում գտնվող հրթիռային բրիգադի դաշտային պահեստային կետեր։ Ինչպես հաղորդում է «Արմենպրես»-ը, այս մասին հայտնել է Ռուսաստանի պաշտպանության նախարարությունը։

«Միջուկային զորավարժությունների շրջանակում միջուկային զինամթերք է մատակարարվել Բելառուսի Հանրապետությունում գտնվող հրթիռային բրիգադի դիրքային տարածքի դաշտային պահեստային կետեր։ Բելառուսական հրթիռային ստորաբաժանման անձնակազմը մարտական ​​​​ուսումնական առաջադրանքներ է կատարում՝ «Իսկանդեր-Մ» օպերատիվ-մարտավարական հրթիռային համակարգի համար հատուկ զինամթերք ձեռք բերելու, դրանցով արձակման մեքենաները հագեցնելու և գաղտնի կերպով նշանակված տարածք տեղափոխվելու համար՝ արձակումներին նախապատրաստվելու նպատակով», - հայտնել է նախարարությունը։