1 րոպեի ընթերցում
ԱՄՆ-ում բենզինի միջին գինը գերազանցել է մեկ գալոնի (3,79 լիտր) դիմաց 4,48 դոլարը. սա նշանակում է գնի գրեթե 50%-ով աճ փետրվարի 28-ին Իրանի դեմ ռազմական գործողությունների մեկնարկից ի վեր: «Արմենպրես»-ի փոխանցմամբ՝ այս մասին հաղորդում է The Associated Press (AP) գործակալությունը՝ վկայակոչելով ԱՄՆ Ազգային ավտոմոբիլային ասոցիացիայի տվյալները:
Նշվում է, որ Իրանի դեմ ռազմական գործողությունների առաջին օրն ԱՄՆ-ում բենզինի մեկ գալոնի միջին գինը կազմել է 2,98 դոլար: Վերջին շաբաթվա ընթացքում վառելանյութի արժեքը բարձրացել է ևս 31 ցենտով՝ հասնելով 2022 թվականից ի վեր ռեկորդային մակարդակի: Այժմ վարորդները բենզինի համար ամենաբարձր գինը վճարում են Կալիֆոռնիայի նահանգում, որտեղ մեկ գալոն վառելանյութի արժեքը գերազանցել է 6,1 դոլարը:
Գործակալությունը հիշեցնում է, որ վառելիքի արժեքի բարձրացման հիմնական պատճառը մնում է համաշխարհային էներգետիկ ճգնաժամը և նավթի գնի աճը, որին հանգեցրել են ԱՄՆ-ի և Իսրայելի ռազմական գործողություններն են Իրանում:
Միացյալ Նահանգներում բենզինի միջին գնի պատմական առավելագույն ցուցանիշը գրանցվել է 2022 թ. հունիսին, երբ մեկ գալոնի գինը գերազանցել է 5 դոլարը: