1 րոպեի ընթերցում
Երևանի քաղաքապետի տեղակալ Լևոն Հովհաննիսյանն այցելել է Երևանի պատվավոր քաղաքացի, ՀՀ ժողովրդական նկարիչ Ռոբերտ Էլիբեկյանին։
Ինչպես «Արմենպրես»-ը տեղեկանում է քաղաքապետարանի աշխատակազմի տարածած հաղորդագրությունից, փոխքաղաքապետը շնորհավորել է անվանի նկարչին 85-ամյա հոբելյանի առթիվ՝ հղելով լավագույն բարեմաղթանքները։
Կարևորելով Ռոբերտ Էլիբեկյանի դերն ու արվեստի բնագավառում թողած նշանակալի ժառանգությունը՝ Լևոն Հովհաննիսյանը նշել է, որ Երևանի պատվավոր քաղաքացիները մշտապես Երևանի քաղաքապետարանի ուշադրության կենտրոնում են։