368.21
Գավառ քաղաքը հյուրընկալել է Խամաճիկների պետական թատրոնի դերասաններին
1 րոպեի ընթերցում
Գեղարքունիքի մարզում անցկացվող «Թատերական երկամսյակ» նախաձեռնության շրջանակներում Գավառ քաղաքը հյուրընկալել է Երևանի Խամաճիկների պետական թատրոնի դերասաններին։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի ԿՄՍ վարչությունից, Խամաճիկների պետական թատրոնի դերասանները հանդես են եկել Հանս Քրիստիան Անդերսենի «Արքայադուստրը սիսեռահատիկի վրա» հեքիաթի բեմադրությամբ, որի ռեժիսորն է Աննա Էլբակյանը։
Արդեն 4-րդ տարին անընդմեջ անցկացվող «Թատերական երկամսյակ» նախաձեռնությունը Գեղարքունիքի մարզպետ Կարեն Սարգսյանինն է և իրականացվում է ՀՀ ԿԳՄՍ նախարար Ժաննա Անդրեասյանի աջակցությամբ։ Ծրագրի շրջանակներում այս տարի Գավառում բեմադրվել է հերթական՝ 7-րդ ներկայացումը, որը դիտել են Գեղարքունիքի մարզի տարբեր հանրակրթական դպրոցների կրտսեր տարիքի դպրոցականներ, մանկավարժներ, ծնողներ։
Գեղարքունիքի մարզում անցկացված թատերական երկամսյակին լավագույն մասնակցության համար Երևանի Խամաճիկների պետական թատրոնի անձնակազմը խրախուսվել է ՀՀ Գեղարքունիքի մարզպետ Կարեն Սարգսյանի շնորհակալագրով։
Բաժանորդագրվեք մեր ալիքին Telegram-ում