Գոհար Մելոյանն ահազանգել է «Ուժեղ Հայաստան» կուսակցության համակիրների և անդամների բերման ենթարկվելու մասին

«Ուժեղ Հայաստան» կուսակցության անդամ Գոհար Մելոյանն ահազանգում է կուսակցության համակիրների և անդամների բերման ենթարկվելու մասին։

«Արմենպրես»-ի փոխանցմամբ՝ Գոհար Մելոյանն այդ մասին գրել է «Ֆեյսբուք»-ի իր էջում։

«Բերման են ենթարկվել գործընկերներս, այդ թվում՝ «Ուժեղ Հայաստան» կուսակցության կին թեկնածու, եւ մեր համակիրները։ Առավոտվանից խոչընդոտում են փաստաբանների մուտքը։ Ուղևորվում ենք Հակակոռուպցիոն կոմիտե»,- գրել է Մելոյանը։

Հակակոռուպցիոն կոմիտեից դեռևս չեն մեկնաբանում «Ուժեղ Հայաստան» կուսակցության համակիրների և անդամների բերման ենթարկելու լուրը։