Սևանում սկսվել են ճանապարհների նորոգման աշխատանքները

Գեղարքունիքի մարզի Սևան համայնքում ընթանում են մի շարք փողոցների ասֆալտբետոնե ծածկույթի փոսային նորոգման և ճաքալցման աշխատանքները:

Ինչպես «Արմենպրես»-ին տեղեկացրին Սևանի համայնքապետարանի աշխատակազմից, գործընթացում ընդգրկված են Սևան քաղաքի մեկ տասնյակից ավելի փողոցների ասֆալտբետոնե ծածկույթի փոսային նորոգման աշխատանքներ։

Աշխատանքների մեկնարկը տրվել է Խաղաղության փողոցից:

Դրանք ներառում են ասֆալտբետոնե ծածկույթի կտրում, հիմքի իրականացում, բիտումի տարածում, ծածկույթի պատրաստում, դիտահորերի և անձրևընդունիչների ծածկի սալերի ապամոնտաժում և վերատեղադրում, դիտահորերի պատերի բարձրացում, անձրևընդունիչների մաքրում։

Աշխատանքներն ընդգրկում են 5780 քմ ասֆալտապատում և 10780գծմ ճաքալցում։

Ծրագրի պայմանագրային արժեքը 49 միլիոն 440 հազար դրամ է, որն ամբողջությամբ  հատկացվելու է համայնքային բյուջեի միջոցներից։