Կամուրջների պայթեցումն իրանցիներին չի ստիպի հանձնվել. Արաղչին արձագանքել է Թրամփի սպառնալիքներին

Իրանի արտգործնախարար Աբբաս Արաղչին հայտարարել է, որ քաղաքացիական ենթակառուցվածներին հարվածներն իրանցիներին չեն ստիպի հանձնվել և վկայում են ամերիկացիների բարոյական պարտության մասին։ «Արմենպրես»-ի փոխանցմամբ՝ այս մասին  նա գրել է X սոցիալական հարթակում։

«Քաղաքացիական օբյեկտներին, այդ թվում՝ չավարտված կամուրջներին հարվածներն իրանցիներին չեն ստիպի հանձնվել։ Դա միայն վկայում է իրարանցման մեջ գտնվող թշնամու պարտության և բարոյական փլուզման մասին։ Յուրաքանչյուր կամուրջ և շենք կվերականգնվի ավելի ամուր։ Մի բան երբեք չի վերականգնվի՝ Ամերիկայի հեղինակությանը հասցված վնասը», - գրել է նա։

Արաղչիի մեկնաբանությունները հնչել են այն բանից հետո, երբ ԱՄՆ նախագահ Դոնալդ Թրամփը Truth Social հարթակում հրապարակել էր Իրանում կամրջի մի հատվածի փլուզման տեսանյութը՝ սպառնալով նոր հարձակումներով։

Արաղչիի գրառումը պարունակում է նույն կամրջի լուսանկարը։

Striking civilian structures, including unfinished bridges, will not compel Iranians to surrender.

It only conveys the defeat and moral collapse of an enemy in disarray. Every bridge and building will be built back stronger. What will never recover: damage to America's standing. pic.twitter.com/872zuE36qD

— Seyed Abbas Araghchi (@araghchi) April 2, 2026

Ավելի ուշ Թրամփը ևս մեկ գրառում էր արել՝ կրկին սպառնալով հարվածել Իրանի կամուրջներին և էլեկտրակայաններին, եթե Թեհրանը համաձայնագիր չկնքի։