368.52
Թրամփը քննադատել է Ֆրանսիային՝ Իսրայել մեկնող ինքնաթիռներին իր օդային տարածքը չտրամադրելու համար
1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ Ֆրանսիան իր օդային տարածքը չի տրամադրել Իսրայել մեկնող ինքնաթիռներին, որոնք բեռնված էին ռազմամթերքով։ «Արմենպրես»-ի փոխանցմամբ՝ Truth Social հարթակում նա հայտնել է, որ ԱՄՆ-ն սա չի մոռանա։
«Ֆրանսիան չի թույլատրել, որ իր երկնքով անցնեն ռազմամթերքով բեռնված ինքնաթիռները, որոնք մեկնում էին Իսրայել», - գրել է Թրամփը։
Նա հավելել է, որ Ֆրանսիան շատ «անօգտակար է եղել» Իրանի դեմ գործողությունների ընթացքում։
«ԱՄՆ-ն կհիշի», - ընդգծել է նա։
Սպիտակ տան ղեկավարը մեկ այլ գրառման մեջ քննադատել է Մեծ Բրիտանիային և մյուս երկրներին՝ Հորմուզի նեղուցի ապաշրջափակման հարցում չօգնելու համար։
Բաժանորդագրվեք մեր ալիքին Telegram-ում