Ռուսաստանը տուգանել է Telegram և TikTok հավելվածները

Ռուսաստանը տուգանել է Telegram հաղորդագրությունների հավելվածը 35 միլիոն ռուբլով (ավելի քան 430,000 ԱՄՆ դոլար)՝ արգելված բովանդակությունը չհեռացնելու համար։ Ինչպես հաղորդում է «Արմենպրես»-ը, այս մասին հայտնում է ռուսական «Ինտերֆաքս» լրատվական գործակալությունը։

Մասնավորապես, Telegram-ը մեղավոր է ճանաչվել Ռուսաստանի վարչական իրավախախտումների օրենսգրքի 13.41 հոդվածի 4-րդ մասի համաձայն հինգ դրվագով, այդ թվում և ծայրահեղական գործունեության կոչեր պարունակող տեղեկատվություն, ինչպես նաև անչափահասների պոռնոգրաֆիկ պատկերներ պարունակող նյութեր չհեռացնելու համար։

Դատարանը 3 մլն ռուբլիի (շուրջ 37 հազար ԱՄՆ դոլար) չափով տուգանել է նաև TikTok հավելվածը։