1 րոպեի ընթերցում
Ավստրալիայի արտաքին գործերի նախարար Փենի Ուոնգը մարտի 11-ին խորհրդարանական լսումների ժամանակ հաստատել է, որ նախորդ շաբաթ փակվել են Աբու Դաբիում և Թել Ավիվում դեսպանատները, ինչպես նաև Դուբայում Ավստրալիայի հյուպատոսարանը։ Ինչպես հաղորդում է «Արմենպրես»-ը, այս մասին հայտնում է The Guardian պարբերականը։
Ուոնգը հայտարարել է, որ կառավարության թիվ մեկ առաջնահերթությունը «ավստրալացիների ապահովությունն է տանն ու արտասահմանում»։
«Վտանգավոր ու ապակայունացնող հարձակումներն Իրանի կողմից ռիսկի տակ էին դնում քաղաքացիական անձանց, այդ թվում և ավստրալացիների կյանքերը»,- հայտարարել նա։
Իրանի դեմ ԱՄՆ-ի և Իսրայելի հարձակումների հետևանքով Մերձավոր Արևելքում սկսված պատերազմի մեկնարկից ի վեր ավելի քան 3200 ավստրալացիներ 23 թռիչքներով հայրենիք են վերադարձել տարածաշրջանից։
Հակամարտության սկզբում տարածաշրջանում գտնվում էր Ավստրալիայի մոտ 115,000 քաղաքացի։