Ալի Խամենեիի որդին դարձել է Իրանի նոր ղեկավարը

Միացյալ Նահանգների և Իսրայելի կողմից զինված հարձակման հետևանքով սպանված Իրանի գերագույն հոգևոր առաջնորդ, երկրի փաստացի ղեկավար այաթոլլա Ալի Խամենեիին կփոխարինի նրա որդին՝  Մոջթաբա Խամենեին։ Ինչպես հաղորդում է «Արմենպրես»-ը, այս մասին հայտնում է իրանական Tehran Times պարբերականը։

«Այաթոլլա Սեյեդ Մոջթաբա Խամենեին դարձավ Իրանի առաջնորդը։

Փորձագետների խորհուրդը, ձայների գերակշիռ մեծամասնությամբ, ներկայացրեց այաթոլլա Հաջ Սեյեդ Մոջթաբա Խամենեիին՝ որպես Իրանի Իսլամական Հանրապետության երրորդ առաջնորդ»,- ասվում է իրանական պարբերականի հրապարակման մեջ։

86-ամյա այաթոլլա Ալի Խամենեիինն սպանվել էր փետրվարի 28-ին՝ Իրանի դեմ ամերիկա-իսրայելական ուժերի նախաձեռնած հարձակման առաջին օրը։ Նրա հետ միասին սպանվել էին դուստրը, հարսը, փեսան, 14 ամսական թոռնուհին, իսկ օրեր անց հիվանդանոցում ստացած ծանր վանասվածքներից մահացել էր նաև այաթոլլայի 79-ամյա կինը՝ Մանսուրե Բաղերզադեն: