1 րոպեի ընթերցում
Հայաստանի Հանրապետության պաշտպանության նախարար Սուրեն Պապիկյանը հեռախոսազրույց է անցկացրել Վրաստանի փոխվարչապետ, պաշտպանության նախարար Իրակլի Չիկովանիի հետ։
«Արմենպրես»-ի հաղորդմամբ՝ այս մասին հայտնում է ՀՀ պաշտպանության նախարարության մամուլի քարտուղար Արամ Թորոսյանը։
Նշվում է, որ հեռախոսազրույցի ընթացքում նախարարները քննարկել են Մերձավոր Արևելքում վերջին զարգացումները, ինչպես նաև երկկողմ համագործակցությանը վերաբերող հարցեր։
Նախարարները երկուստեք կարևորել են կայունության և խաղաղության շուտափույթ հաստատման անհրաժեշտությունը։