1 րոպեի ընթերցում
Առողջապահության համընդհանուր ապահովագրության համակարգի շրջանակներում արդեն 1 միլիոն 200 հազար այց է գրանցվել բուժհաստատություններում։
«Արմենպրես»-ի հաղորդմամբ՝ այս մասին հայտնել ՀՀ առողջապահության նախարար Անահիտ Ավանեսյանը Ազգային ժողովում հարցուպատասխանի ժամանակ։
«Եթե դիտարկենք, թե քանի անձ է օգտվել մի քանի ծառայությունների ձևաչափով, ապա 400 հազար քաղաքացի օգտվել է առողջության ապահովագրության համակարգից։ Անձ կա, որ ստացել է և հետազոտություններ, և դեղորայք, և վիրահատություն»,-հավելել է Ավանեսյանը՝ շեշտելով, որ նման մեծաթիվ դիմելիությունը կանխատեսելի է եղել և համակարգն ի վիճակի է սպասարկել։
Նա հավաստիացրել է, որ առողջության ապահովագրության համակարգի լավարկման ու բարելավման աշխատանքները շարունակական են։