Իսրայելի հարվածների հետևանքով սպանվել են Իրանի պաշտպանության նախարարն ու ԻՀՊԿ-ի հրամանատարը. Reuters
1 րոպեի ընթերցում
Reuters գործակալությունը գրում է, որ Իսրայելի հարվածների հետևանքով զոհվել են Իրանի պաշտպանության նախարար Ազիզ Նասիրզադեն և Իսլամական հեղափոխության պահապանների կորպուսի հրամանատար Մոհամմեդ Փաքփուրը։
«Արմենպրես»-ի փոխանցմամբ՝ Reuters-ին այդ մասին տեղեկացրել են Իսրայելի կողմից Իրանի դեմ վարվող ռազմական գործողություններին ծանոթ աղբյուրները։
Ավելի վաղ Times of Israel-ը տեղեկություններ էր տարածել, որ Իսրայելի հարվածների թիրախում են եղել Իրանի ռազմաքաղաքական ղեկավարության ներկայացուցիչները, այդ թվում՝ հոգևոր առաջնորդ Ալի Խամենեին և նախագահ Մասուդ Փեզեշքիանը։ Լրատվամիջոցը գրել էր, որ հարվածների արդյունքների մասին տեղեկություններ առայժմ չկան։
IRNA գործակալությունն էլ ավելի վաղ տարածել էր Իրանի նախագահ Մասուդ Փեզեշքիանի որդու հայտարարությունն այն մասին, որ իր հոր դեմ մահափորձը չի ստացվել, նրա հետ ամեն ինչ կարգին է։
Պաշտպանության նախարարի և ԻՀՊԿ հրամանատարի մահանալու լուրերը իրանական լրատվամիջոցների կողմից չեն հաստատվել։