«Մայր Հայաստան» կուսակցությունը խորհրդարանական ընտրություններին կմասնակցի ԲՀԿ-ի հետ միասին՝ «Առաջարկ Հայաստանին» ծրագրով
1 րոպեի ընթերցում
«Մայր Հայաստան» կուսակցությունը Հայաստանում 2026 թվականին կայանալիք խորհրդարանական ընտրություններին կմասնակցի «Բարգավաճ Հայաստան» կուսակցության հետ միասին՝ վերջինիս ղեկավար Գագիկ Ծառուկյանի ներկայացրած «Առաջարկ Հայաստանին» ծրագրով։
«Արմենպրես»-ի փոխանցմամբ՝ այդ մասին «Մայր Հայաստան» կուսակցության համագումարի ժամանակ հայտնել է կուսակցության նախագահ Անդրանիկ Թևանյանը։
««Մայր Հայաստան» կուսակցությունը, բազմաթիվ քննարկումների և երկխոսության արդյունքում դրական գնահատելով Գագիկ Ծառուկյանի ներկայացրած «Առաջարկ Հայաստանին» ծրագիրը, խորհրդարանական ընտրություններին կմասնակցի հենց այդ ծրագրով՝ «Բարգավաճ Հայաստան» կուսակցության հետ միասին»,-ասել է Թևանյանը։
Հայաստանում խորհրդարանական հերթական ընտրությունները կկայանան 2026 թվականի հունիսի 7-ին։