1 րոպեի ընթերցում
Ուսանողը կրակ է բացել Անապայի տեխնիկումներից մեկի նախասրահում, որի հետևանքով 1 մարդ է զոհվել։ «Արմենպրես»-ի փոխանցմամբ՝ այս մասին Telegram ալիքում հայտնել է Ռուսաստանի ներքին գործերի նախարարության Կրասնոդարի երկրամասի գլխավոր վարչությունը։
Նախնական տեղեկություններով՝ երեք մարդ վիրավորվել է։ Նրանք ստանում են բժշկական օգնություն։ Ավելի ուշ ՌԴ ՆԳՆ Կրասնոդարի երկրամասի գլխավոր վարչությունը հայտնել է, որ վիրավորներից մեկը զոհվել է։
Ըստ ԶԼՄ-ների՝ Կրասնոդարի երկրամասի նահանգապետ Վենիամին Կոնդրատիևը հայտնել է, որ կրակոցների հետևանքով զոհվել է անվտանգության աշխատակիցը, որն առաջինն էր հարված ստացել։
«Ես անընդհատ թարմացումներ եմ ստանում Անապայում տիրող իրավիճակի վերաբերյալ։ Այս պահին կա մեկ զոհ՝ անվտանգության աշխատակիցը, ով առաջինն էր հարված ստացել», - գրել է նահանգապետը Max հարթակի իր ալիքում։
Հանցագործը ձերբակալվել է։
Դատախազությունը հետաքննություն է սկսել դեպքի առթիվ։