367.47
Մոսկվայում մահափորձ է կատարվել Ռուսաստանի ՊՆ գեներալ-լեյտենանտի նկատմամբ
1 րոպեի ընթերցում
Մոսկվայի հյուսիս-արևմուտքում անհայտ անձը փորձել է գնդակահարել Ռուսաստանի պաշտպանության նախարարության գեներալ-լեյտենանտ Վլադիմիր Ալեքսեևին. նա հոսպիտալացվել է: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հայտնել է ՌԴ քննչական կոմիտեի պաշտոնական ներկայացուցիչ Սվետլանա Պետրենկոն։
Դեպքի կապակցությամբ հարուցվել է քրեական գործ՝ սպանության փորձ և հրաձգային զենքի անօրինական շրջանառություն հոդվածներով։
Պետրենկոյի խոսքով՝ փետրվարի 6-ին Մոսկվայի Վոլոկոլամսկոյե խճուղու վրա գտնվող բնակելի շենքում «դեռևս անհայտ անձը մի քանի կրակոց է արձակել տղամարդու վրա և փախել դեպքի վայրից»։
«Տուժածը հոսպիտալացվել է քաղաքային հիվանդանոցներից մեկում», - ասել է Պետրենկոն։
Նա նշել է, որ Մոսկվայի քննչական կոմիտեի քննիչներն ու քրեագետները ներկայում աշխատում են դեպքի վայրում, ուսումնասիրում տեսախցիկների տեսագրություններն ու հարցաքննում ականատեսներին։
Անցկացվում են քննչական գործողություններ և օպերատիվ հետախուզական միջոցառումներ հանցագործությանը մասնակցած անձին կամ անձանց հայտնաբերելու ուղղությամբ, ասել է Քննչական կոմիտեի ներկայացուցիչը։
Բաժանորդագրվեք մեր ալիքին Telegram-ում