368.54
Արաղչին բանակցություններ է վարել Օմանի իշխանությունների հետ՝ ԱՄՆ ներկայացուցիչների հետ հանդիպումից առաջ
1 րոպեի ընթերցում
Իրանի արտաքին գործերի նախարար Աբբաս Արաղչին բանակցություններ է վարել օմանական կողմի հետ՝ Իսլամական Հանրապետության միջուկային ծրագրի շուրջ ստեղծված ճգնաժամի կարգավորման հարցով Միացյալ Նահանգների հետ խորհրդակցությունների նախաշեմին: «Արմենպրես»-ի փոխանցմամբ՝ այս մասին հաղորդել է Իրանի պետական հեռուստատեսությունը:
Նշվում է, որ Արաղչիին ուղևորության ընթացքում ուղեկցում են արտաքին գործերի փոխնախարարներ Մաջիդ Թախտ Ռավանչին և Համիդ Ղանբարին, ինչպես նաև Իրանի արտաքին գործերի նախարարության խոսնակ Էսմայիլ Բաղային:
Նախատեսվում է, որ ԱՄՆ-ն և Իրանը փետրվարի 6-ին Օմանում կվարեն բանակցություններ Թեհրանի միջուկային ծրագրի վերաբերյալ: Իրանի պատվիրակությունը կգլխավորի Աբբաս Արաղչին, Միացյալ Նահանգների պատվիրակությունը՝ ԱՄՆ նախագահի հատուկ բանագնաց Սթիվեն Ուիթքոֆը:
Բաժանորդագրվեք մեր ալիքին Telegram-ում