Գերմանիայի տնտեսության հանդեպ վստահությունը հասել է չորս տարվա ամենաբարձր մակարդակին

2021 թվականի կեսերից ի վեր՝ Գերմանիայի տնտեսության նկատմամբ վստահությունը բարձրացել է ու հասել ամենաբարձր ցուցանիշին՝ չնայած ԱՄՆ-ի կողմից նոր մաքսատուրքերի սպառնալիքներին, ինչը գերմանացիների շրջանում վկայում է աճող լավատեսության մասին, հետևաբար 2026 թվականը կարող է շրջադարձային լինել Եվրոպայի ամենամեծ տնտեսության համար։ Այդ մասին տեղեկացնում է «Արմենպրես»-ը՝ վկայակոչելով Euronews-ը։

Տնտեսական տրամադրության ինդեքսը հունվարին աճել է մինչև 59.6 միավոր՝ դեկտեմբերի 45.8-ի համեմատ, զգալիորեն գերազանցելով սպասումները։ Դա ամենաբարձր ցուցանիշն է 2021 թվականի հուլիսից ի վեր։ Ընթացիկ պայմանների ցուցանիշը, չնայած որոշ ժամանակ մնում էր բացասական մակարդակի վրա, նույնպես բարելավվել է՝ հասնելով 72.7 միավորի։

«2026 թվականը կարող է շրջադարձային լինել», - ասել է ZEW-ի նախագահ Ախիմ Վամբախը՝ զգուշացնելով, որ կայուն աճ ապահովելու համար դեռևս անհրաժեշտ են բարեփոխումներ։

Գերմանիայի դրական տրամադրությունները արտացոլվել են ամբողջ եվրոգոտու տարածքում։ Եվրոն հունվարին բարձրացել է մինչև 40.8 միավոր՝ դեկտեմբերի 33.7-ի համեմատ, գերազանցելով կոնսենսուսային կանխատեսումը և հասնելով 2024 թվականի հուլիսից ի վեր ամենաբարձր մակարդակին։ Ներկայիս իրավիճակի գնահատականը նույնպես բարելավվել է։