Ուկրաինայի Գերագույն ռադան հաստատել է պաշտպանության նախարարի պաշտոնից Դենիս Շմիգալի հրաժարականը

Ուկրաինայի Գերագույն ռադայի պատգամավորները հաստատել են պաշտպանության նախարար Դենիս Շմիգալի հրաժարականը։ «Արմենպրես»-ի հաղորդմամբ՝ այս մասին հաղորդագրություն է տարածել Ուկրաինայի խորհրդարանը։

Նշվում է, որ Շմիգալի հրաժարականի օգտին քվեարկել է 265 պատգամավոր։ Դենիս Շմիգալը պաշտպանության նախարարի պաշտոնը զբաղեցնում էր 2025 թվականի հուլիսից, մինչ այդ նա եղել է երկրի վարչապետը։

Ինչպես ավելի վաղ հաղորդվել էր, պաշտպանության նախարարի պաշտոնը կզբաղեցնի առաջին փոխվարչապետ, թվային տրանսֆորմացիայի նախարար Միխայիլ Ֆեդորովը։