Հրշեջ-փրկարարները մարել են Բագրատաշեն գյուղում բռնկված հրդեհը

Տավուշի մարզային փրկարարական վարչության ճգնաժամային կառավարման կենտրոն հունվարի 6-ին ժամը 17։39-ին ահազանգ է ստացվել, որ Բագրատաշեն գյուղում այրվում է տուն։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

«Արմենպրես»-ի փոխանցմամբ՝ Փրկարար ծառայությունից հայտնում են, որ հրդեհը բռնկվել է Բագրատաշեն բնակավայրի 17-րդ փողոցում գտնվող երկհարկանի տան առաջին հարկում։

Հրդեհը մեկուսացվել է ժամը 19:30-ին, մարվել՝ 21:01-ին: Այրվել են առաջին հարկի սենյակներից մեկը (մոտ 25 ք.մ)՝ գույքով և փայտե առաստաղը։

Հրշեջ-փրկարարներին հաջողվել է կանխել հրդեհի տարածումը դեպի տան մյուս հատվածներ և երկրորդ հարկ։