1 րոպեի ընթերցում
Արմավիրի մարզային փրկարարական վարչության ճգնաժամային կառավարման կենտրոն դեկտեմբերի 26-ին ժամը 07։53-ին ահազանգ է ստացվել, որ Ջրառատ գյուղի հիվանդանոցի մոտակայքում այրվում է ավտոմեքենա։
«Արմենպրես»-ի փոխանցմամբ՝ Փրկարար ծառայությունից հայտնում են, որ դեպքի վայր մեկնած փրկարարները պարզել են՝ հրդեհը բռնկվել է Մկրտչյան փողոցի տներից մեկի մոտակայքում։
Հրդեհը մեկուսացվել է ժամը 08:13-ին, մարվել՝ 08:22-ին: Այրվել է «Nissan» մակնիշի ավտոմեքենայի շարժիչի հատվածը։
Հրշեջ-փրկարարները կանխել են հրդեհի տարածումը դեպի ավտոմեքենայի սրահ։