1 րոպեի ընթերցում
Հայաստանի ազատ ոճի ըմբշամարտի հավաքականի գլխավոր մարզիչ Հաբեթնակ Կուրղինյանը գոհ է ներքին առաջնության արդյունքներից ու երիտասարդ մարզիկների կատարած աշխատանքից:
«Արմենպրես»-ի հաղորդմամբ` այս մասին լրագրողների հետ զրույցում ասաց մասնագետը:
«Ավարտված առաջնությունից հետո կկազմավորվի նոր հավաքական: Ընդհանուր առմամբ, առաջնությունից գոհ եմ: Մասնակիցներից քանակի քչությունը կար նաև մեկ ամիս առաջ և մեկ տարի առաջ: Այս իրավիճակի միակ լուծումը զինվորական ծառայության ու տարկետման հետ կապված հարցի լուծումն է, քանի որ մարզիկներից շատ քչերն են կարողանում կայանալ մինչև 17-18 տարեկանը»,-առանձնացրեց նա:
Հայաստանի ազատ ոճի ըմբշամարտի հավաքականը նոր մրցաշրջանին կնախապատրաստվի հունվարից` Ծաղկաձորի ուսումնամարզական հավաքով: