368.52
Թուրքիայում աշակերտը կրակել է դպրոցի տնօրենի ուղղությամբ
1 րոպեի ընթերցում
Թուքիայի Մերսինի Անամուր շրջանում 12-ամյա աշակերտը հրազենից կրակելու եղանակով ծանր վիրավորել է դպրոցի տնօրեն Էնդեր Քարային։
Ինչպես հաղորդում է «Արմենպրես»-ը, այս մասին հայտնում է թուրքական «Հաբերլեր»-ը:
Դեպքը տեղի է ունեցել այն բանից հետո, երբ տնօրենը նկատողություն է արել մի աշակերտի, որն անցյալ շաբաթ էլեկտրական հեծանիվով դպրոց էր եկել:
Դպրոցի տնօրենի ուղղությամբ կրակելու սարսափելի կադրերը ֆիքսել են դպրոցի տեսախցիկները: Կադրերում երևում է, թե ինչպես է տղան հրազենով գալիս դպրոց և կրակում տնօրենի վրա:
Հաղորդվում է, որ տնօրենի վիճակը ծայրահեղ ծանր է, նրա կյանքին վտանգ է սպառնում։
Դպրոցում, որտեղ տեղի է ունեցել միջադեպը, դասերը մեկ օրով դադարեցվել են։
Բաժանորդագրվեք մեր ալիքին Telegram-ում