«Ֆեստիվառ»` Ջերմուկում․ միջոցառումն առաջին անգամ տեղի կունենա ձմռանը

Առաջին անգամ տեղի կունենա ձմեռային «Ֆեստիվառ» զբոսաշրջային-երաժշտական փառատոնը, որը կանցկացվի 2026 թվականի հունվարի 3-ին Ջերմուկում:

«Արմենպրես»–ի փոխանցմամբ՝ Կրթության, գիտության, մշակույթի և սպորտի նախարարությունից հայտնում են, որ միջոցառման օրը ժամը 15:00-ից Ջերմուկում կգործի տեղական արտադրանքի ամանորյա տոնավաճառ, իսկ ժամը 18:00-ին տեղի կունենա տոնական համերգ. բեմում կլինեն սիրված երգիչներ Արամ MP3-ը և Yellowheart խմբի երաժիշտ կատարողները: Տոնական համերգին կմիանա նաև «Մանկական Եվրատեսիլ 2025» մրցույթի մասնակից Ալբերտ Արմենակյանն՝ իր մրցութային հայտնի երգով:

Միջոցառման մուտքն ազատ է։ 

«Ֆեստիվառ Ջերմուկ» երաժշտական փառատոնի անցկացման նպատակով Կառավարության վերջին նիստում ՀՀ պետական բյուջեից համապատասխան հատկացումներ են արվել: