Իսրայելական ԱԹՍ-ների հարվածներից Լիբանանում խաղաղ բնակիչներ են զոհվել

Իսրայելի ռազմաօդային ուժերը անօդաչու թռչող սարքի միջոցով հարվածել են Սիբլին-Ջադրա մայրուղու վրա (Բեյրութից մոտ 40 կիլոմետր հարավ) գտնվող մեքենայի, որի հետևանքով զոհվել է մեկ մարդ։

«Արմենպրես»-ի փոխանցմամբ՝ այս մասին հայտնել է լիբանանյան «Al-Mayadeen» հեռուստաալիքը՝ հղում անելով երկրի առողջապահության նախարարությանը։

Աղբյուրը մանրամասնել է, որ Լիբանանի հարավում գտնվող Ալ-Ադիսա և Սիբլին քաղաքների ծայրամասերին ԱԹՍ-ների հարվածներից երկու քաղաքացի է զոհվել։