Հայանիստում կառուցվել է նոր միջնակարգ դպրոց․ վարչապետը ծանոթացել է աշխատանքներին

Մասիս համայնքի Հայանիստ բնակավայրում «300 դպրոց և 500 մանկապարտեզ» ծրագրի շրջանակներում կառուցվել է 432 աշակերտի համար նախատեսված միջնակարգ նոր դպրոց:

«Արմենպրես»–ի հաղորդմամբ՝ վարչապետ Նիկոլ Փաշինյանն այցելել է դպրոց, ծանոթացել կատարված աշխատանքներին:

Կառավարությունը դպրոցի կառուցման համար հատկացրել է ավելի քան 2 մլրդ դրամ:

Վարչապետը դեկտեմբերի 13-ին  ավելի վաղ այցելել էր Փարաքար համայնքի Այգեկ բնակավայրի Մուշեղ Մովսիսյանի անվան միջնակարգ դպրոց, ծանոթացել վերանորոգման աշխատանքների։ Դպրոցը վերանորոգվել է «300 դպրոց և 500 մանկապարտեզ» ծրագրի շրջանակում։