368.59
Ուկրաինայի դատարանը հեռակա կարգով կալանք է սահմանել կոռուպցիայի գործում ներգրավված Թիմուր Մինդիչի նկատմամբ
2 րոպեի ընթերցում
Ուկրաինայի Բարձրագույն հակակոռուպցիոն դատարանը կալանավորման որոշում է կայացրել գործարար Թիմուր Մինդիչի նկատմամբ, որը ներգրավված է «Էներգոատոմ» ընկերությունում կոռուպցիայի գործում։ «Արմենպրես»-ի հաղորդմամբ՝ այս մասին հայտնել է ուկրաինական «Օբշչեստվեննոյե» հեռուստաալիքը։
«Մինդիչը հեռակա կարգով կալանքի է դատապարտվել։ Հետաքննությունը Մինդիչին համարում է էներգետիկայի ոլորտում կոռուպցիոն սխեմաների միջոցով փողերի ստացմամբ և լվացմամբ զբաղված խմբի ղեկավար»,- նշված է լրատվամիջոցի տելեգրամյան ալիքում։
Ուկրաինայի ազգային հակակոռուպցիոն բյուրոն նոյեմբերի վերջին հետախուզում էր հայտարարել երկրի նախագահ Վլադիմիր Զելենսկու թիմակից, գործարար Թիմուր Մինդիչի և նրա գլխավոր ֆինանսիստ Ալեքսանդր Ցուկերմանի նկատմամբ, որոնք հասցրել էին լքել երկիրը։
Նոյեմբերի 11-ին Ուկրաինայի ազգային հակակոռուպցիոն բյուրոն հատուկ գործողության արդյունքներով մեղադրանք էր առաջադրել էներգետիկայի ոլորտում կոռուպցիայի մեջ ներգրավված հանցավոր կազմակերպության յոթ անդամների, այդ թվում՝ Մինդիչին։ Գործում շրջանառվում է նաև երկրի նախկին փոխվարչապետ Ալեքսեյ Չերնիշովի անունը։ Այս գործի շրջանակում Ուկրաինայի Գերագույն ռադան նոյեմբերի 19-ին բավարարել էր Գերման Գալուշչենկոյին արդարադատության, իսկ Սվետլանա Գրինչուկին՝ էներգետիկայի նախարարի պաշտոնից հեռացնելու առաջարկը։
Բաժանորդագրվեք մեր ալիքին Telegram-ում