1 րոպեի ընթերցում
Հոնկոնգի բնակելի համալիրներից մեկում նոյեմբերի 26-ին բռնկված ավերիչ հրդեհի զոհերի թիվը հասել է 94-ի, 76 մարդ վիրավոր է։ 300 մարդ անհետ կորած է։ «Արմենպրես»-ի փոխանցմամբ՝ այս մասին հաղորդում է BBC-ն։
Հոնկոնգի իշխանությունները հայտնել են, որ հրդեհաշիջման աշխատանքներն ավարտվել են։
Հրդեհի առաջացման պատճառները դեռ հետաքննվում են, սակայն մասնագետներն ասում են, որ կրակն արագ տարածվել է շենքերում շինարարական աշխատանքների ժամանակ օգտագործվող դյուրավառ ցանցերի և բամբուկե փայտամածների պատճառով։
Ութ շենքից բաղկացած բնակելի համալիրում կա 2000 բնակարան, որտեղ ապրում է ավելի քան 4600 մարդ։
Ըստ South China Morning Post լրատվամիջոցի՝ ապահովագրական ընկերությունը պետք է 260 միլիոն դոլարի չափ գումար վճարի վնասների համար։
Չկանխամտածված սպանության համար ձերբակալել է երեք մարդ՝ շինարարական ընկերության տնօրեններից երկուսը և ինժեներ-խորհրդատուն։
Սա 1948 թվականից ի վեր քաղաքում գրանցված ամենամահացու հրդեհն է։ Այն ժամանակ հրդեհի հետևանքով զոհվել էր 176 մարդ։