1 րոպեի ընթերցում
Հոնկոնգում առնվազն 13 մարդ է զոհվել, ևս 15-ը՝ վիրավորվել բնակելի համալիրի մի քանի շենքում մոլեգնող հրդեհի պատճառով։ «Արմենպրես»-ի փոխանցմամբ՝ այս մասին հաղորդում է BBC-ն։
Վան Ֆուկ Քորթ բնակելի համալիրում բնակվում է շուրջ 4600 մարդ։ Հրդեհաշիջման աշխատանքներին ներգրավված է ավելի քան 700 հրշեջ։
Հրդեհի մարման ժամանակ զոհվել է նաև 37-ամյա հրշեջ։
Ըստ որոշ տեղեկությունների՝ դեռ որոշ բնակիչներ շենքերում են գտնվում։
Հրդեհը դասակարգվել է 5-րդ՝ ամենաբարձր մակարդակի։
Ավելի վաղ հաղորդվում էր 4 զոհի մասին։