Իսրայելը ՄՔԴ-ին խնդրել է չեղյալ հայտարարել Նեթանյահուի և Գալանտի ձերբակալման հրամանները

2 րոպեի ընթերցում

Իսրայելը Միջազգային քրեական դատարան (ՄՔԴ) միջնորդություն է ներկայացրել դատախազ Քարիմ Խանին Իսրայելի հետ կապված վարույթներից հեռացնելու և վարչապետ Բենիամին Նեթանյահուի և նախկին պաշտպանության նախարար Յոավ Գալանտի՝ Խանի կողմից տրված ձերբակալման հրամանները չեղյալ համարելու վերաբերյալ: «Արմենպրես»-ի փոխանցմամբ՝ այս մասին հաղորդում է The Times of Israel-ը՝ վկայակոչելով Իսրայելի արտգործնախարարության հայտարարությունը։ 

Քարիմ Խանն այժմ գտնվում է վարչական արձակուրդում, քանի որ նրա նկատմամբ հետաքննություն է ընթանում ՄՔԴ-ի երկու նախկին աշխատակցուհիների նկատմամբ սեռական ոտնձգությունների մեղադրանքով։ 

Ըստ Իսրայելի ԱԳՆ-ի՝ միջնորդությունը ներկայացվել է՝ ի պատասխան այն տեղեկատվության, որ դատախազը «գործել է անօրինական անձնական դրդապատճառներով՝ Իսրայելի դեմ կեղծ և անհիմն մեղադրանքներ ներկայացնելով»:

Գերատեսչությունը նշում է, որ այդ գործողությունների նպատակն է եղել հանրության ուշադրությունը շեղել իր դեմ սեռական ոտնձգությունների լուրջ մեղադրանքներից: 

Արտաքին գործերի նախարարությունը հավելել է, որ միջնորդությունը ոչ մի կերպ չի ազդում Իսրայելի մյուս պնդումների վրա, որ Նեթանյահուի և Գալանտի ձերբակալման հրամաններն «անվավեր են, այդ թվում՝ ՄՔԴ-ի իրավասության բացակայության պատճառով»:

ՄՔԴ-ն 2024 թ. նոյեմբերի 24-ին Նեթանյահուի և Գալանտի ձերբակալման հրաման էր տվել Գազայի հատվածում ռազմական գործողությունների ընթացքում մարդկության դեմ հանցագործությունների և պատերազմական հանցագործությունների կասկածանքով։  

Հայերեն Русский

ԱԺ-ն օրակարգ չի ընդգրկել ժողովրդավարության վիճակի վերաբերյալ ընդդիմության հայտարարության նախագիծը

Ռուսաստանը ենթարկվել է 1441 ԱԹՍ-ի զանգվածային հարձակման, 800-ը՝ Մոսկվայի ուղղությամբ

Արարատ Միրզոյանը Բրյուսելում հանդիպել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցչի հետ

Գյումրիի բժշկական կենտրոնի տնօրենի պաշտոնակատար է նշանակվել Դավիթ Գևորգյանը

Ֆոն դեր Լայենը բարձր է գնահատել Քիշնևի առաջընթացը ԵՄ-ին անդամակցելու ճանապարհին՝ չնայած գործադրվող ճնշումներին. Moldpres

Երիտասարդ ամուսինները լեռներում հյուրատուն են հիմնել

Թափառող շների հարձակումների կանխարգելումը պահանջում է հրատապ և համակարգային լուծում՝ կենդանիների նկատմամբ մարդասիրական վերաբերմունքի հաշվառմամբ․ ՄԻՊ

ԱՄՆ-ն թույլ չի տա, որ Իրանի դեմ պատերազմը ձգձգվի տարիներ. Վենս

Արարատ Միրզոյանը հանդիպել է Ռումինիայի արտաքին գործերի նախարարի հետ

Ախուրիկում կառուցվում է նոր երիտասարդական կենտրոն