Վարդենիսում հայտնի են «Դպրոցականների վոլեյբոլի լիգա» մարզական խաղերի համայնքային փուլի հաղթողները

2025 թվականի նոյեմբերի  12-ին և 13-ին Վարդենիս համայնքում տեղի են  ունեցել «Դպրոցականների վոլեյբոլի լիգա» մարզական խաղի համայնքային փուլի մրցումները։

Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի ԿՄՍ վարչությունից, «Վոլեյբոլի լիգան» անցկացվել է  2 տարիքային խմբերի դպրոցականների՝  6-7-րդ և  8-9-րդ դասարանների միջև։ Մրցաշարին մասնակցել են Լուսակունքի , Գեղամասարի , Մեծ Մասրիկի,  Ակունքի միջնակարգ, Վարդենիսի թիվ 2, թիվ 3 , թիվ 4 հիմնական դպրոցների վոլեյբոլի թիմերը։ 

Մրցումների արդյունքում 1-ին տարիքային խմբում առաջին տեղը գրավել է Լուսակունքի միջնակարգ դպրոցի թիմը, երկրորդ տեղը՝ Վարդենիսի թիվ 2 հիմնական, երրորդ տեղը՝ Գեղամասարի միջնակարգ դպրոցի թիմերը։ 

2-րդ տարիքային խմբում նույնպես գլխավոր հաղթող է ճանաչվել  Լուսակունքի միջնակարգ դպրոցի թիմը։ Երկրորդ և երրորդ տեղերը համապատասխանաբար զբաղեցրել են Մեծ Մասրիկի միջնակարգ և Վարդենիսի թիվ 2 հիմնական դպրոցների թիմերը։ 

Մրցանակային տեղեր գրաված թիմերին ՀՀ ԿԳՄՍ նախարարության կողմից հանձնվել են հավաստագրեր։

Համայնքային փուլում առաջին տեղ գրաված թիմերը կմասնակցեն մարզային փուլի մրցումներին։

Խոսրով  Խլղաթյան