1 րոպեի ընթերցում
Երևանի «Նոա»-ի ֆուտբոլիստ Սերգեյ Մուրադյանը Կոնֆերենցիաների լիգայի հիմնական փուլի շրջանակներում «Սիգմա»-ի դեմ խաղում հեշտ հանդիպման չի ակնկալում:
««Սիգմա»-ն հրաշալի թիմ է: Նախորդ տարի նրանք դարձել են Չեխիայի գավաթի խաղարկության հաղթող: Մեզ բարդ հանդիպում է սպասվում: Հայաստանի ներքին առաջնությունում ամեն ինչ հրաշալի չի ընթանում մեզ համար, սակայն լավ մարզավիճակում պիտի ներկայանանք այս խաղին»,- «Արմենպրես»-ի հաղորդմամբ` լրագրողների հետ նախախաղային մամուլի ասուլիսի ժամանակ ասաց Սերգեյ Մուրադյանը:
Ֆուտբոլի Կոնֆերենցիաների լիգայի հիմնական փուլի երրորդ տուրում Հայաստանի չեմպիոն Երևանի «Նոա»-ն նոյեմբերի 6-ին Վազգեն Սարգսյանի անվան «Հանրապետական» մարզադաշտում կընդունի չեխական «Սիգմա»-ին: Հանդիպումը կմեկնարկի Երևանի ժամանակով 21:45-ին: